У рамках тэматычнага тыдня "Беларуская народная творчасць" выхаванцы старэйшай "А" і "Б" груп ДУА "Дзіцячы сад № 7 г. Навагрудка" пабывалі на экскурсіі ў Навагрудскім цэнтры рамёстваў. Дзеці пазнаёміліся з разнастайнымі народнымі рамёствамі роднага горада і нашай краіны: ткацтва, выцінанка, выбіванка, саломапляценне. Выхаванцы даведаліся пра характэрныя асаблівасці беларускага нацыянальнага адзення, удакладнілі назвы вырабаў з гліны, лазы, ільну.
Наведванне Цэнра садзейнічала патрыятычнаму выхаванню, развіццю цікавасці дзяцей да гісторыі сваёй Радзімы, пашырэнню ведаў пра жыццё беларускіх сялян у былыя гады. Экскурсія атрымалася пазнавальнай і цікавай!!!